北極光之旅-planning重要事項 - 芬蘭/瑞典電話卡,相機,衣物(芬蘭,瑞典,愛沙尼亞...)

正當我和我老公大家都想去睇北極光時, 又比我地係Finnair睇到直航芬蘭+兩程內陸都係講緊$11500連稅, 就即用兩晚通宵研究並且扑搥...
基本上, 上網揾到大部份都係一般o既行程, 而好多我想要o既同埋現今年青人(18-65歲都係年青人, 哈哈)好重要o既eg, 電話卡, 搭車... 資料係揾唔到或者唔詳盡, 因為我係瑞典就比網友fing到話搭地鐵係點點點...結果唔係個回事, 希望我講o既野幫到大家...

芬蘭電話卡

1G data 可用一個月, 每日扣€0.49, 我去10日都係€4.9勁平, 但你要買€7.9 prepaid card, 但唔知點解個日佢收我€4.9, 不過唔理有就得架啦!
data, 呢樣野好緊要... 上網資料係冇人講到比我知, 而且諗住去鴨寮街問下啦! 檔員話冇北歐架有都好貴... 當然比較擔心啦... 但心諗冇可能明明芬蘭係諾基亞o既國土, 試問一個起源手提電話o既國家點會冇, 上網見到有三間供應商, 佢地都話係有data plan... 唔理啦, 去到先算啦...
最後到步芬蘭, 去左佢地o既7仔(R Kioski) 就好容易揾到電話卡... 而且勁平
不過話明prepaid card係要開通, 所以唔係一放落電話就用得, 大家留意!

芬蘭sim 卡

背部教點樣開通

瑞典o既話, 周圍都係7-11, 入去問就得, 要SEK95比芬蘭貴而且都係1G 1個月, 最重要係買呢張卡時會比番張收據比你, 記得切記唔好當垃圾, 因為收據會比番個number開通張電話卡架!

衣物

個人意見, 如果係去睇北極睇光就一定要有雪褲, 雪褸, 防水鞋, 防水手套, 耳罩, 口罩, 頸巾, 護膚用品, 暖包...

因為係北極圈內, 而且係外邊逗留時間係長的話就要以下o既野啦

• 雪褲 - 內要著多條褲或者保暖褲
• 雪褸 - 要防水個隻, 因為你要玩雪同埋會落雪
• 防水鞋 - 最好加厚襪
• 防水手套 - 我就冇乜載, 我用白兔仔暖包於係褸袋度, 咁就唔係覺好凍, 但係只要你隻手停留係外邊多過十秒就會好凍冰哂, 如你要外露都係要載番防水手套
• 暖包 - 白兔仔暖包, 由於壽命得兩三小時同埋六十幾度, 所以係北極圈比較岩用. 貼o既暖包, 因為佢壽命可以成十幾個中, 所以係市到會岩用啲

如果係市中心Helsinki, stockholm個啲就唔洗雪褸, 雪褲, 但都要一般保暖褸, 耳罩, 口罩, 頸巾, 護膚用品, 暖包...

相機

去到北極圈睇光緊係要用影到o既相機, 基本上手機係影唔到, 所以你要用啲基本上可以步到光o既相機, 請大家去前試下你地o既相機睇下可唔可以係香港都影到星星就得... 個人建議

去前最緊要用鍚紙包一包你o既相機舊電, 因為太凍啲電好快玩完(我隔黎個兩個女仔影唔夠五分鐘就瓜柴, 好掃興)
同埋要準備埋暖包比你o既相機, 啲電會耐用啲... 最好帶多啲電...hehe有o既話

準備2015/2月出發